商場如戰場，唔想被「DQ」，可以借鏡松下幸之助嘅「叢林法則」。佢係日本電器王國Panasonic已故創辦人，被譽為「經營之神」，上周日就係佢誕辰。
1. 信用比一切都重要。
2. 對批發商要將心比心，採購要以共存共榮為原則，勿單方面壓價就算，應一齊協商搵降價對策。
3. 開舖地點重要過舖位大細，商品質素又緊要過舖位地點。
4. 入貨前，要諗定點賣；而諗點賣前，要諗定點賺。
5. 絕唔可以喺客面前斥責員工。
6. 唔可以一味靠Hard Sell，會被客人離棄。
7. 切勿只對大客殷勤而怠慢細客仔，事關細客有機會變永久客，不斷帶來生意。
8. 要做到資金少、多周轉、生意大。一百蚊總資金周轉十次，就變一千元。
9. 今日賺蝕，今日結算。
10. 做生意無所謂景氣與唔景氣，無論咩情況都要非賺不可。幾唔景氣都要搵方法求存，唔好怨，唔好怪人，要靠自己。
余絲韻