絲絲講場：拍住賞攻入的士支付

支付商料淘汰逾半

話說香港電訊（06823）旗下手機錢包拍住賞（Tap & Go）同忠誠車行合作打入的士支付，依家約100部「星群的士」接受乘客用拍住賞畀錢，係繼手機錢包TNG之後，再有手機錢包進軍交通工具呢片藍海，似乎想進擊支付巨人八達通咁喎！

新嘢梗有優惠，今年年底前坐「星群的士」單一消費滿100元並以拍住賞成功畀錢，最多可得三次嘅10元預約服務費回贈。

講起政府就儲值支付工具發出十幾個牌，香港電訊支付業務主管梁海儀（Monita）就預言，長遠或淘汰至剩番五個牌咁大把。咦，邊五間呢可。

余絲韻