絲絲講場：無人機無電 GoPro股價即謝

呢部新產品被市場譽為GoPro救亡之作，皆因公司嘅運動相機滯銷，熱潮不再，公司股價由年初至今已累跌差唔多四成。原本Karma無人機推出時確實亦鋒芒畢露，被讚有力挑戰全球市佔率最高嘅無人機大疆（DJI）添。

點知咁快就出事，據講有問題要回收嘅Karma無人機約2,500部。而回收消息一出，GoPro股價喺美股期貨一度跌10.68%，跌穿10美元關口，報9.7美元。而美股現貨開市，股價則跌5.71%，早段報10.24美元。

解決技術問題再推

究竟出咗乜嘢事？原來GoPro發現，小量Karma會在飛行過程中會突然無晒電，好彩目前尚未因此造成人命損傷或其他財產損失。為咗補鑊，Karma無人機用戶可以即時退貨畀GoPro，也可以退貨給零售商，攞番全數退款。但GoPro不會提供換機，因為GoPro喺解決突然無電嘅問題後，再重新銷售Karma。

GoPro創始人兼CEO伍德曼就語重心長咁話：「Karma無人機即時回收，皆因安全係頭等大事。」

余絲韻