希拉妮電郵事件明朗化，環球股市呈V形反彈，而連跌九個交易日的標普500指數，隔晚勁升2.2%。
不過，周一的港股比美股更早反映美國選情，重磅股撐住大市，完全抵銷樓市加辣及人大釋法的利淡因素，透支了反彈的港股，昨日表現相對淡靜，恒指升108點報22,909點，大市主板成交縮減至538億元，基金大戶都靜候今日美國各州陸續曝光的選舉結果。有大行估計，即使希拉妮勝出，股市未必大升，民意分裂後需要時間修補，萬一好似英國脫歐公投咁，爆出特朗普呢隻黑天鵝，對短期股市破壞力是難以估計。
賭仔都知，一蚊博多過一蚊還可以，掉返轉頭，依家兩蚊博一蚊，睇怕就無咁笨。
無倉在手，今朝坐低食花生好過。展望後市，十一月深港通要落實通車，以預算兩星期準備時間，本周中至下周一好大機會有消息，故今明兩日，假如好友攻唔上的話（證明希拉妮勝出都幫唔到幾多），就要小心，始終恒指在24,364點見頂後，一直處於逐級下移的整固姿態，恒指至少要收於23,268點，才算短期扭轉反覆向下格局。
John Mullen