絲絲講場：機械人踢波概念虧轉盈
風火輪個個都知，用風火輪踢波又玩過未？神通機器人教育（08206）出年將會喺黑龍江搞個「全國足球機器人運動大會」，聽名以為係機械人落場踢波，實情係搵人企係平衡車（俗稱風火輪）上面踢！
培訓校隊 舉辦比賽
神通機器人投資者關係代表黃利平話，依家啲家長好鍾意仔女入校隊，佢哋開班教中小學生玩平衡車、同埋平衡車運作的原理，咁就可以培訓唔同學校的平衡車校隊，到時代表學校出戰呢個「足球比賽」！
其實，公司今年五月通過收購先至納入機器人運動比賽承辦和培訓（China Robot Competition，簡稱CRC）的新業務，令中期稅前溢利扭虧為盈。黃利平話，龍江CRC項目將成為未來發展動力，目前有30至40間培訓中心，其中7間由公司自營，餘下由公司與中心三七拆帳營運。另外黑龍江約100間中小學及機構與培訓中心簽訂合作意向，搞平衡車同無人機訓練課程。
余絲韻