絲絲講場：港9成家族企業無諗接班

調查顯示，香港家族企業第二代接棒嘅比例只有44%。羅兵咸中國內地及香港私人財富服務主管合夥人王志偉就話，香港嘅富二代好多喺外國接受教育，希望可以自己闖一番事業，未必有接班嘅念頭，唔似得內地公司咁傳統，一早已經指定第二代接班人。

「香港有好多老牌家族公司，話事人年齡較大，所以唔少公司都要考慮有較健全嘅接班計劃。」

會計界籲設傳承方案

咁樣點算？王志偉就提議，一早訂立傳承方案，而且叫埋第二代一齊傾出個共識，咁就可減少出現爭產嘅風險。各位大老闆、富二代不妨參考吓，上頭條嘅機會應該少好多！

余絲韻