絲絲講場：美圖為谷估值 學Snapchat？
即將登陸港股嘅美圖公司，雖然早前喺招股書披露月活躍用戶多達4.46億人，不過，就被指未能成功將用戶群變現，暫時仍停留喺單靠售賣手機硬件獲利。如今美圖公司喺香港IPO前夕，靜靜地上線咗一款即時通訊社交產品——閃聊。
美圖話，講到閃聊，大家即時必定諗起外國著名嘅「閱後即焚」聊天應用程式Snapchat，佢哋都準備喺美國進行IPO，融資40億美元，預估市值250億至350億美元。
港上市傳籌10億美元
美圖公司傳喺香港集資10億美元，估值50億美元，美圖嘅閃聊目標係希望成為中國版Snapchat。咁講嘅話，閃聊對美圖公司估值嘅提升作用，真係唔講得笑。
產品形態上，閃聊打破傳統聊天對話框模式，介面以卡片形式展示。
其次係玩法豐富多樣，擴展不限於文字、語音、表情、圖片、視頻同塗鴉等六種聊天形式，再結合好似Snapchat咁「閱後即焚」，10秒短視頻和圖片可以添加彈幕式嘅文字同表情，照片可以進行多次塗鴉同文字疊加。
為咗以最大嘅程度嚟迎合新一代用戶，而加入咗咁多新玩法，究竟會唔會成功谷到估值呢？大家就拭目以待喇。
余絲韻