絲絲講場：上市商會短訊「吹雞」

絲絲收到風，香港上市公司商會（下稱商會）最近向會員發短訊，話「某方」推動下，大批內地股民贊成改革，商會認為咁係歪曲香港市場主流意見，有可能畀港交所同證監會有藉口去通過改革建議咁話。商會仲附上網上問卷，話整理結果後會交畀當局。

問卷一嚟就寫「有關建議無助改善市場效率，更對打擊市場違法行為毫無幫助。」會員可揀「同意」或「不同意」。嗱，短訊題目寫明《反對上市監管架構諮詢之網上回應文件》。今回仲唔係鬥人多，搞晒冷！

其實既有滬港通，深港通亦就快開波，「北水」流入港股已係大勢，內地股民就市場監管發表吓意見都可以啩。Anyway，花生吖，唔該。

余絲韻