內地第三季度經濟數據已公布，市場關注內地經濟過於依賴房地產銷售，實際上房地產投資正在放緩，反映房企對後市審慎，而實體經濟復甦緩慢，房市泡沫風險足以拖垮大局。事實上，已有不少聲音建議中央放棄每年GDP增長目標，皆因未能反映實際情況，深化經改應是求質素而非求數字，毋須為GDP達標而放任房市炒作。
人民幣中間價不斷創六年新低，正所謂跌市莫估低，但一點可以肯定的是，人民幣新一波貶值，一定程度又會拉低了中資股的估值，所以呢期兩地股市唔點大跌都已算係咁。
三大電訊股已公布最新經營數據，中國移動（00941）首三季營運收入增長4.3%，盈利按年增3.1%；截至九月底移動客戶總數8.44億戶，移動客戶ARPU按年增長1.7%，4G客戶總數4.81億戶，首三季淨增1.68億戶。
基本上，中移的業績增長唔高，但就係勝在穩定，一家每年做幾千億元人民幣生意的公司，盈利能每年維持穩定在低位單位數增長，在今時今日經濟不景的背景之下，都算唔簡單。
筆者仍視中移為中資電訊股首選，皆因其競爭地位穩固，且在內地4G市場擁領導地位，相比其他壟斷性行業，中移是一隻盈利前景具能見度的巨無霸，值得長線捧場。
今年八、九月該股試叩100元關未果，之後回落至92元，昨回試90元邊承接，想買貨不妨留意相關水平承接，趁低分注行事。
司慕渢