邊個話發咗達一定使得奢侈！美國數據發現，有錢人有5樣勁「Cheap」特性。其實係讚佢哋不忘節儉，有5項「禾稈冚珍珠」嘅消費特性。
點解咁慳？研究話理由兩個：1. 未發達時嘅「慳家」習性，冇因發達而改變；2. 佢哋常諗住「今日唔知聽日事」，「好天收埋落雨柴」。
想賺有錢佬錢嘅，同想嫁/娶個有錢人嘅，以下必讀。
美國最富有地區嘅至暢銷車款係：本田Accord、豐田Camry、本田CR-V、福士Jetta及豐田Prius。以為有錢人就揸超豪跑車？No啦。
三分之一資產超過3,900萬港元嘅美國人買嘢會揀去沃爾瑪（Wal-Mart），換成香港即是幫襯百佳同惠康。
美國「一蚊店」（類似香港嘅12蚊店）好多消費者其實月入6.5萬港元，佔「一蚊店」收入20%。
月入6.5萬港元嘅美國人，比賺得少過佢哋嘅人更鍾意用印花及儲優惠券。
月入6.5萬港元嘅美國人，慈善捐款佔收入比例平均只有4.2%，比月入3.2萬至5萬元嗰啲低3.4個百分點。
余絲韻