我要做財演：選股Step by Step
想在股場上分一杯羹，就要學識選股步驟。盧駿匡稱：「我選股以技術分析為主，先用唔同指標研究股票，再睇佢過去五、六年嘅走勢圖表搵買賣信號，如果以某信號選股，過去成功率超過六成，就應該值得繼續用。」
此技術分析步驟已由程式代勞，每日尋找數隻潛力股份，然後再分析其基本面，例如該股貨源是否集中及在市場的流動程度等。
他續說，「我鍾意用反常嘅方法，如果有壞消息出，股價不跌反升，可能暗示背後有一個好消息支持，只不過市場未發現，咁佢股價之後應該會大升。」
持股年期有彈性
他也有留意每日二十大升幅股份排行榜，「如果淨係啱啱升咗一日，咁可能佢仲有幾日升。但如果已升了一段時間，就最好唔好沾手，因為可能會有回吐出現。」
以技術分析選股未有特定持股年期，他說，「通常啲靚股會大漲小回，我會計算股價波幅，若一直唔跌穿某個水平，我會將止賺位一路推升，持股可能超過半年。」學生Calvin追問，「股價波幅點計？」他稱，統計過去整體波幅，找出其慣性表現，若某股股價明顯偏離慣性走勢，宜考慮離場。