絲絲成日聽班內地老總話慳錢要走自動化，早排美國超市龍頭沃爾瑪又話會裁員7,000人，工作崗位由機械人取代，機械人仲唔係搶人飯碗！不過有研究話，機械人其實創造就業喎！？
歐洲經濟研究中心與荷蘭Utrecht大學學者聯合研究發現，歐盟一九九九至二○一○年呢十二年間，機械化的確取代咗唔少製造業生產線上嘅人力，估計因為咁減咗960萬個職位。但同時又因為機械化，令生產成本下降，產品價錢平一截，吸引多咗人去買，於是管理、銷售同營銷人員又自然要請多咗先應付到，於是又反而因為咁增加咗870萬個工作崗位。結論係，咁樣加加減減一來一回其實影響唔大喎！
唔知點解，絲絲即刻諗起嗰位法國王后嘅古仔，饑民冇麵包食，王后就問「何不吃蛋糕」！
余絲韻