絲絲講場：恒生便服日高管Show手瓜
話說尋日係恒生銀行（00011）便服日，一班高管當然齊齊支持啦，佢哋仲換咗一身黑色嘅型格輕裝。點解要黑色？睇吓副董事長兼行政總裁李慧敏（Rose）幾Chok，着埋黑色咁先夠Cool夠型，襯番個便服日主題「要型人，先型自己」嘛。點解佢哋要攬住「D、C、D」字母？驚你唔知係Dress Casual Day嘛。
恒生便服日年年都出張高層大合照，不過今年畀絲絲發現個新亮點！就係某人唔覺意露出嘅手瓜。絲絲聽聞恒生銀行業務總監林燕勝（Donald）玩咗一排健身之後，就變成……自己睇啦。憑手瓜認人，睇你搵唔搵得到Donald出嚟。
余絲韻