提起香港人氣最旺嘅網站，香港交易所（00388）嘅「披露易」一定上榜。據了解，專門發布上市公司訊息「披露易」將進行十年來首次系統更新，預期將於明年登場。
等唔切？唔怕，港交所「自家」集團網站（hkexgroup.com）尋日就率先推出咗個全新改良版，等股民止住渴先！
驟眼睇，全新集團網站好似同市場網站（hkex.com.hk）分別唔大，梗係啦，絲絲經高人指點，原來全新嘅市場網站要明年才推出，到時就知道有乜唔同！
講番集團網站同市場網站點樣「分工」？由即日起，港交所會以集團網站作為刊發集團公告同企業通訊嘅指定網站，港交所所有企業資料，亦會上載至集團網站。至於市場網站就會提供集團旗下香港市場嘅資訊。
咁改良咗嘅集團網站有乜新嘢？港交所話，新網站採用全新內容管理系統，令搜尋資訊更方便，例如毋須點擊多重介面即可直接搜尋到所需資訊，在不同尺寸的屏幕（包括手機及平板電腦）也可運作流暢，同可播放視頻及照片集等等。
余絲韻