新世代供略：大學生上車 至Like鬧市
想生活快人一步，住近繁華鬧市、出入便捷最Happy。今期「新世代供略」主角Abbi，由細到大住慣油尖旺區，買樓當然想揀市區樓。近期區內上車盤盤源甚缺，坐落油麻地廟街頭段的兆豐大廈，人流相對較靜，衣食住行就腳，一房單位上車價320萬元，啱晒Budget。
大學生Abbi住慣鬧市多年，交通方便最為重要，她指，「旺角一帶去邊都好方便實在太吸引，住慣咗又唔覺得出入好多人，衣食住行Okay、可以揀靜少少嘅地方。如果樓齡舊啲唔緊要，最重要平平哋，自己afford到。」
油尖旺區人口密集，大小商場林立，熙來攘往，好不熱鬧。移師去油麻地一帶，居住環境可能會鬆動一些。坐落廟街頭段的兆豐大廈就是一個好例子，離港鐵油麻地站口約五分鐘步程，雖位處廟街，大廈外牆有點殘舊，不過頭段人流較少，加上廟街以夜生活為主，白天時間反而難得清靜。
單幢樓 實用率近7成
兆豐大廈樓齡約34年，一座物業只有52伙，居住密度低。物業劃一提供一房及兩房戶型，個別一房戶亦有預留位置可打通做兩房戶，實用面積約237至249方呎，實用率有近七成。
物業外牆及四周保養僅屬一般，惟區內代理指，因單位間隔迷你，反受上車客追捧，加上部分業主會連基本裝修放賣，間隔四正兼「靚仔」，絕對見得人。
交投疏落 僅一放盤
中聯物業龍肇康表示，兆豐大廈二手放盤極為稀少，交投疏落，近期成交價約290萬元。目前只有一個交吉戶放售，開價320萬元，屬市價。
