成個環球經濟都唔係咁得，金融業不時都傳出炒人嘅消息，你估淨係得滙控（00005）、渣打（02888）呢啲會炒人？
咁就梗係No啦，受大媽追捧嘅四大內地銀行，即係中國銀行（03988）、建設銀行（00939）、工商銀行（01398）、同埋農業銀行（01288）都無一幸免，四大行淨係上半年已經Cut咗超過2.5萬個員工喇，班員工真係慘慘豬。
聽講四大行入面，工行最辣，減咗7,635人。心寒？仲未止，連招行（03968）都減咗7,768個員工，呢度淨計上半年咋……咁寒嘅！冬天喇咩？明明連中秋都未到o架！
余絲韻