絲絲講場：百富李書沸Out埋自己
財圈「說Out」風波有新發展。百富環球（00327）CFO李書沸（Chris）喺上周三分析員會議上「Out」咗睇淡嘅麥格理分析員Timothy Lam離場，之後Chris都公開表示歉意，絲絲仲以為事件已告一段落。點知Chris忽然尋日自Out，向百富環球辭職！
自認表現唔夠專業
佢向董事局請辭，辭晒集團所有職位，尋日即時生效。佢又為自己嗰日行為誠懇道歉，話不論背後咩原因，呢啲行為都不能接受。佢話自己表現唔夠專業，願意肩負責任，承擔後果。
佢又話過去五年，日以繼夜為公司努力及為股東創造價值，呢刻覺得極度疲累，期望藉此機會休息、反省同思考咁話。
見到咁，除咗嘆氣，絲絲都唔知講乜好。
余絲韻