期指觀瀾：續持好倉博升多浸

昨早傳來內地報道中證監內部設立深港通專責小組，消息刺激一眾深港通概念股，而收市後競價時段，騰訊控股（00700）以全日高位188.7元報收，涉及成交額21.4億元，到底後市向上爆發會唔會由騰訊所帶動，下周三業績前後料有分曉！

事實上，睇番恒指昨日先低後高，升88點收報22,580點，主板成交增至757億元，走勢偏好，國指升107點更跑贏恒指。筆者睇好國指走勢的另個一原因，係見到呢幾日內銀股表現持續轉強，建行（00939）及工行（01398）已連現多支陽燭，成交配合，相信仲有一浸去。

昨日期指日市收報22,560點，低水20點，總成交大增至10.4萬張。