絲絲講場：職場保命！4句代替「唔知喎」

點算？用以下呢4句職場神回應代替，婉轉得嚟又畀人覺得你有Heart。「唔知喎」三粒字，留番喺心度算喇。

1)「我去搵」或「我去Check吓」

齋講「唔知喎」令人覺得你唔單止唔知，仲懶得去知。既然唔知，就應該即刻自動波去搵答案。改答「我去Check吓」，畀人感覺既主動又合作。

2)「係啦，我都有呢個疑問」

如果連去邊度搵答案都冇頭緒，就要出動到呢句。呢句意味住你同對方喺思想上同呢（Level）、同樣Feel到唔對路，仲令人覺得你同佢坐埋一條船會一齊搵答案。

3)「最大可能係……」

有時，冇頭緒到要靠估，但答上司時，唔可以齋講估係乜，而係要講埋基於你手頭嘅資料、你點推斷、而作出點嘅結論。雖然答案靠估，但有晒資料同理論去支持，實淨好多，可以帶起討論同Brainstorm，幾咁有建設性！

4)「不如問吓（阿邊個）？」

唔識答？搵人問囉，但要搵啱人至得。幫對方搵個可以畀到「最佳答案」佢嘅人，咁係幫手解決問題，絕對唔係A字膊。

余絲韻