香港書展尋日開幕，現場所見人流唔算多，但財經及投資書檔就企滿人！
本身係股民嘅蔣先生就話：「每年都用200至300蚊買投資書，今年會使多啲，因為睇好恒指今年走勢。」仲話覺得恒指有機會升到24,000點。
每年都花過千蚊買書嘅馬先生則稱：「我覺得下半年個市好難睇，今年專注買翻譯版投資書，覺得可以喺投資心態上同技術上都有好大得着！」
豐盛金融組合交易經理盧志威有好介紹，佢話最近睇過兩本財經好書：《我在投資銀行的黑色鬧劇》作者John Lefevre大爆投行內幕；《天堂裏用不到錢》講述DFS創辨人Chuck Feeney起家及做慈善的故事。
首次出書嘅富昌金融研究部總監譚朗蔚形容，近排炒股氣氛好咗，應該有利自己本著作《技勝一籌》嘅銷情，佢仲話初步目標係賣晒第一版2,000本，然後加印。
余絲韻