絲絲講場:成功人士睇咩書?

每年到書展,好多人忽然好有興趣睇書(嚴格啲嚟講,係買書)。點都好,「書中自有黃金屋」係真嘅,成功人士通常愛閱讀。書,成功人士係咁睇嘅。

1微軟創辦人蓋茨

蓋茨睇咩睇到做首富?係乜都睇。阿爸爆話佢細個已經係書蟲乜都睇,搞到要Set條家規「食飯唔准睇書」。到今時今日,蓋茨整埋個GatesNotes同全世界「些牙」最近睇咗咩書,幾年嚟已經介紹咗超過150本,乜類型都有,睇晒分分鐘乜都識!

2股神巴菲特

巴菲特每日有八成時間睇書,已經係公開嘅秘密,佢仲會喺每年畀股東嘅信中介紹好書。想知股神睇開咩?入股囉!

3facebook創辦人朱克伯格

朱仔每兩星期就KO一本書,仲喺fb開埋群組介紹好書,朱仔會留言兼同網友討論o架!

余絲韻