孖妹Ｓ檔案：深「講」通 注定表錯情？

段：深圳市智道資產管理總經理　段曉偉

深圳大戶：盼深港通社保沖喜

彩兒：福田發展得好快咁喎，起咗咁多商業大廈，聚集咗多間金融企業。但我哋行入嘅呢幾幢大廈，陰陰沉沉、冇咩人氣咁嘅，係咪真係搵到內地投資者傾偈（口架）？

Kitty：雖然依家啲散戶多數透過自己電腦或手機炒股，好少見到佢哋大量聚集喺證券行，但唔少券行仍設有VIP房，畀大戶安靜咁炒股，一般要有成千萬元人民幣開戶，先可以坐嗰啲VIP房，話唔定喺呢度行過嘅人，隨時有一個真係秒秒鐘幾十萬元上落。你睇吓，嗰度有個大戶坐咗喺度炒股。

智道段曉偉表示，深圳市場有很多新生行業的公司，有的成長潛力遠超想像。	理財經理鄭暉表示，自己投資時，最注重的是業績增長。	深圳散戶陳先生

深圳散戶聶先生

深圳散戶陳文

彩兒：A股由上年六月最高嘅5,178點，跌到今年一月最低嘅2,638點，咁大嘅跌幅都震你唔走？

段：我九五年就開始炒股。去年六月，發覺市場出現泡沫，形勢不好判斷，所以將倉位下調至20%，基本上把前期收益拿到，賺約三成。直到今年五月，看到大市在2,800點已穩定，負面因素大致消化，覺得熊市結束，就開始買入一些好公司。

在環球宏觀環境沒有大逆轉的情況下，今年底大盤指數應上至3,300點：目前市場有兩個預期，一個是深港通，另一個就是社保基金入市。

Kitty：深港通喺七月一日前後公布開通嘅願望落空咗，依家市場憧憬第三季落實推出日期，市傳社保基金將喺下半年入市，涉及高達6,000億元人民幣，希望今年真係畀我哋等到啦。

新能源車具爆炸力

彩兒：深圳市場有較多市值較細嘅新經濟股，若深港通開通，我都想試吓買呀，但佢哋嘅股價咁波動，好難玩啫。

段：深圳市場有很多新生行業的公司，有的成長潛力是遠超想像，這種公司畢竟是少數，且沒有固定成功模式。機構投資者是買入做配置，可能買十隻，博一隻成功，散戶通常只聽故事。有很多深圳股份是被資金推動上升，資金一退市，就由幾元跌到幾毫，我自己看不懂的東西不會買。

Kitty：咁你自己又睇好邊類股份？

段：中長線來說，我不喜歡周期類股份，因它們很受外圍環境影響，波動太大，反而看好新能源汽車、研發無人駕駛技術這些處成長期的公司：中國的醫保費用不斷增長，醫藥板塊裏亦好找到很多好公司。另外，央企併購重組、地方國資委整合都是目前市場的一大主題，還有訂單比較穩定、利潤率又高的軍工股。

投資海外 寧選納市

彩兒：若深港通開通，你會唔會第一時間落嚟掃港股？

段：不會，港股增長較慢，對於那些追求穩定收益的大型基金公司，是較安全選擇。但我們做私募的，對客人說賺20至30%，他們都可能覺得沒有吸引力。要做海外市場的話，我會寧願是美國的納斯達克。

鄭：理財經理　鄭暉

深圳券商：供求失衡 推高估值

彩兒：聽完做私募基金嘅人對港股些少興趣都冇，真係灰到呢。咁你作為專畀客戶投資建議嘅理財經理，又會唔會對香港嘅中細價股有啲心動，期待住深港通呀？

鄭：最大問題是，我們對香港股票不了解，我想本地人不太敢買那些小盤股，香港的資本大鱷較兇猛。另外，我覺得香港市場缺乏活力，與A股市場相比，資金並不太多，投資題材亦比不上A股。

北上諗白酒石墨烯

Kitty：A股咁貴，好似深圳嘅中小板咁吖，平均市盈率成51倍，主板嘅市盈率都有25倍，真係買得落手？

鄭：A股市場是有它自己的合理性，畢竟環境不同，人民幣不完全流通，貨幣又超發，市場上很多資金，公司不容易上市，想在A股上市的公司正在排長龍，致股票供求不平衡，所以很多股票估值很高，買新股基本上沒有一個虧錢的。

彩兒：咁我哋北上應該買咩股票好呀？

鄭：我第一個選的是白酒股，這個板塊的股份盈利持續增長，但去年大牛市時也沒有漲得特別厲害，你會發現它是市場自發的增長，不是單由資金推動的增長，估值較合理。

Kitty：啲白酒股又真係升得幾勁喎，好似五糧液（000858.SZ）咁吖，依家已升至超過37元人民幣，仲高過去年六月31.9元人民幣嘅高位。整個行業第一季嘅盈利按年升咗16%，延續一五年嘅增長趨勢，睇嚟經歷四年調整後，真係走出咗低谷。

鄭：我第二看好的就是石墨烯股，因這種新材料受國家支持發展。

彩兒：原來石墨烯係中央「十三五」規劃重點支持發展嘅新材料嚟個喎，導電同導熱嘅性能出色，有好好嘅應用前景。據統計，內地32隻石墨烯相關股份，今年第一季度盈利按年升咗27.32%，難怪相關股份升勢咁勁啦。

鄭：另外，中國的影視銷售將超過美國，所以我看到影視娛樂、AR、VR、手遊等類別股份會有爆發點。風口一出現，相關股票就有爆發力，不容易停下來。我最注重的是業績增長，若企業持續每年增長30至50%，可不用考慮便買下。

深圳散戶：買過創板股輸到喊

陳先生：「我覺得香港股票不太好，之前買過創業板股份俊文寶石（08351），輸了非常多。我早前在A股跌至約2,600點時買了貨，但建倉不多，相信A股之後會慢慢上升，短線看好黃金板塊，因市場避險情緒升溫。」

深圳散戶：轉揸固定收益產品

聶先生：「我不看好A股行情，料未來2至3年應會在2,500至3,000點區間上落。我覺得一般散戶現在很難賺錢，自己已轉為投資一些固定收益的理財產品。我不太了解港股，所以沒有興趣買。」

深圳散戶：內地市場長遠難飆

陳文：「現在操作難度較大，自己倉位已很低，去年差不多滿倉，現在僅兩成。A股應該是七年一個大行情，經去年那一輪升市，未來很長時間應不會再大升，較看好軍工板塊。港股像較平穩，沒有太大波動，自己沒有接觸。」

若有料報畀彩兒同Kitty或有嘢問，可電郵money.biz@on.cc

彩兒　Kitty