因應隔晚美股先跌後拗腰，期指以20,673點開出，之後退到20,550點回補開市裂口後，主動買盤佔優勢，期指回破開市價後，最高見20,744點，之後維持窄幅悶局直到現貨收市，期指曾經再試高位見20,748點，純粹是臨尾市的平倉盤所影響，埋單日市以20,706點收市，成交9.9萬張。
今晚的美國非農就業數據，好淡友皆屏息以待，恐怕今日現貨及期指會更悶局。
五月美國非農就業增長意外地少，六月會否回升，對近日全球股市憂慮歐美經濟再陷衰退風險增加之氛圍下，反應可大可小，唔想賭大細，新倉期指客值得諗諗平倉等下周一再作部署，前日開的好倉，今日一於睇位食一食胡。
John Mullen