雖然去年救市打殘了A股，但內地並未有停止推動資本市場改革，傳聞中投好快會落實新高層任命，講咗好耐的養老金入市，無道理繼續只聞樓梯響，下半年可留意映期。
現價估值合理
此外，今日就同大家睇睇隻基金愛股──北京首都機場（00694）。過去幾年首機盈利同派息都穩步增長。雖然今年以來內地經濟增長持續放緩，但今年首四個月，首機累計的飛機起降架次及旅客輸送量同比均錄得單位數增長，相信業績表現信得過。
再睇其現價往績市盈率18倍，息率2厘，估值喺合理區間內，近兩個交易日股價連現兩支陽燭，短線8.6元係主要阻力，若成功突破，是浪目標挑戰9.3元，支持位在8元關。
司慕渢