吓？喺呢個深港通隨時宣布嘅敏感日子，港交所展覽廳喺八至十月留為己用，唔通……深港通真係就快殺到，港交所要留場做深港通培訓？
搞產品簡介 八至十月滿晒
有市場人士就加把口話，一啲都唔出奇啦，事關深港通咁大壇嘢，唔止經紀要培訓，仲有唔同嘅中介人士，好似上市公司、資訊供應商等等，都需要各種各樣嘅簡介，所以展覽廳一定會好爆。講到深港通真係殺到嚟咁樣！
不過，港交所解釋係，今年佢哋有好多新項目推出，又係產品年，需要舉辦好多簡介會，展覽廳使用率好高，要優先留番畀自家用，所以八至十月檔期滿晒，唔係因為單一事件（深港通）喎。信不信由你。
余絲韻