絲絲講場：中港貿易發水郵包作怪？！

冇報關「Lost數據」

Nicholas話，近年電子商貿咁頻繁，如果大量嘅小額郵包由香港輸入至內地，而又沒有香港報關，咁數據就會「Lost（遺失）咗」。

佢嘅睇法係，內地由香港進口嘅部分增長，係來自無劃分類別，咁可能係郵包之類嘅進口，再加埋愈加頻繁嘅中港跨境電子商貿，當中涉及大量嘅小額郵包輸入內地，令香港出口計漏咗。

佢話分析埋其他物流、運輸方面，種種迹象都顯示中港兩地運輸真係有增加。所以佢相信，中港貿易數據差距，有可能關啲郵包事！

成百億差距咁多

佢又話虛假貿易從來都有，當個別月份突然有「更虛假」嘅數出現，就要研究吓，但唔能夠一旦有少少唔對數，就一刀切話係「虛假貿易」。

絲絲都唔想諗多咗，之但係，睇番香港出口至內地嘅貿易金額，淨係睇三月，中港各自提供嘅貿易數字，差距有成109億港元！成百億可以係幾多個小額郵包呢可？

余絲韻