早排美銀美林出報告話，全球缺水大鑊過中國經濟放緩、新興市場債務與歐盟解體。不過尋日絲絲睇到，原來若果肯環保，451間中港企業一年可慳到夠裝5,490個泳池嘅水！
唔單止，仲可減到等於410個城門水塘嘅廢物，循環再造資源夠堆滿8,000個維園，慳到嘅電足夠畀逾27,660個香港四人家庭用全年！
堅係做到（口架），事關中銀香港（02388）同工總齊齊搞咗個企業環保獎，唔少泛珠三角區嘅企業一齊參加，真係完成咗千幾個環保項目，以上就係慳出嚟嘅結果，唔好睇小一人多走一步嘅力量。
余絲韻