大家好多時叫上司做「老細」，佢哋其實都係打工仔一名，如果仲要係「腦細」嘅話，仲有機會被炒添。以下14個蛛絲馬迹，可以睇到「腦細」今鋪大鑊鳥，係時候諗定點餞行。
1、「腦細」突然間將自己收埋，精神好差、好緊張、坐立不安，咁就有可疑。
2、公司即將瘦身，「腦細」被炒唔出奇；亦有老細會唔願落刀，選擇自己早走。
3、平時Chur得你好勁嘅「腦細」突然放寬時限，得過且過......知咩事啦。
4、「腦細」忽然明顯Hea咗，仲突然係咁補假、放大假，實係有事。
5、突然有日「腦細」問你「呀邊個邊個覺得佢做成點？」，兼有好多升遷行動，似係鋪緊路啦。
6、平易近人嘅「腦細」變得閃縮，一言堂突然冇乜嘢講。你明啦。
7、「腦細」忽然係咁投訴佢嘅「腦細」，仲不停數公司，似離大限不遠矣。
8、「腦細」忽然問你「如果咩、如果乜...」，仲唔係再見Feel！
9、畀人削權，係最明顯徵兆。
10、「腦細」成日唔知去咗邊，仲蛇過你。瀕臨被炒邊緣，責任心梗會少咗。
11、「腦細」平時T裇牛仔褲，近期竟然着老西返工，九成去見工啦。
12、佢現頹Look，同一套衫着足一星期，唔慌好情況。
13、佢私人物品愈嚟愈少，連家庭相都拎走埋，咁仲唔係出事係咩呢？
14、「腦細」突然講電話講得好鬼祟？唔係咁想畀人睇到佢部電腦做緊咩？明顯搵緊出路。
余絲韻
