絲絲講場：周大福億三買全球最大綠鑽
周大福珠寶（01929）再買巨鑽！繼於一○年買咗一顆507卡嘅南非鑽坯The Cullinan Heritage後，周大福珠寶日前喺拍賣會上，再投得顆全球最大嘅5.03卡天然鮮彩綠色鑽石，成交價約1.3億港元，更創下綠鑽嘅世界成交紀錄！
睇番資料，呢顆綠鑽叫「THE AURORA GREEN」，係全球最大嘅天然鮮彩綠色鑽石，呢顆綠鑽仲係會上最後一件拍賣品，吸引唔少目光同埋投標，最終周大福珠寶以約1.3億港元投得。周大福珠寶話，覺得呢顆綠鑽好罕有，極具收藏價值。絲絲都好希望盡快一睹佢嘅光芒。
余絲韻