釘釘廣告寸微信唔安全
今次主角係阿里巴巴嘅企業即時通訊應用「釘釘」，佢哋以企業版微信為主要競爭對手。釘釘近日喺內地多份報章頭版賣廣告，含沙射影寸微信安全程度唔夠班。
點知，廣告一出街，就畀老闆馬雲批評「太low了」（即係太Cheap），仲話要向馬化騰與騰訊道歉咁話。
絲絲點知？釘釘自己官方微博登出嚟，仲貼埋馬雲手機嗰個「太low了」嘅短訊Cap圖。馬雲仲話「看來是市場預算太多才會造成這樣的事」。
不過，睇真啲，馬雲仲話廣告「太low了」似某某公司廣告。究竟係真道歉定乘機踩某某公司呢可？某某係邊間？又係競爭對手囉。
余絲韻