絲絲講場：離奇死法保險包唔包？
成個體育館天頂話冧就冧，做人一個唔覺意好容易就死咗。不過，唔同死法，有唔同機會率，畀狗咬死定畀蜜蜂針死機會大啲？（圖有答案）
財經雜誌《經濟學人》就統計過美國一年內各種搞出人命嘅機會率（睇圖）。
死於心臟病機會最高，自殘死與哽死大機會過火災冇咗條命，飲酒易死過碌落樓梯。畀雷劈死（睇怕絲絲最大機會中呢樣）亦易過畀狗咬或畀蜜蜂針死。
隕石飛落嚟咁罕見嘅死法，機會率係74,817,414分之1。保險包唔包呢？
意外死有保險包
絲絲問咗保險專業人士，六福財富管理（香港）總經理施維就話，畀狗咬、冧天花呢啲其實都係屬於意外，如果不幸因為咁死咗，保險其實都有得包。
余絲韻