二手樓價回落，令不少上車客有置業機會，今期新世代攻略主角，為可人兒Carrie，為一名乖乖女，就算將來買樓都要住近家人。Carrie家住將軍澳，適逢同區有新盤低開，不過想居住環境闊落，又想親民入市，可考慮房協旗下的茵怡花園，是不錯選擇，一房戶最大有逾400方呎，自由市場叫價380萬元起。

Carrie雖無研究樓市走向，不過將來買樓，一定首選將軍澳，「本身住呢區，衣食住行習慣晒，加上未來結咗婚想住近家人，多個照應。」她又指，目前尚在求學，未有長遠的儲蓄Planning，但買樓想同另一半一起出力。

Carrie又指，「知道將軍澳區入場私樓樓價並不便宜，如搵上車盤，不介意住居屋。」

將軍澳區規劃完備，亦因多個私人屋苑樓齡不舊，又貼近港鐵站，全區樓價分外值錢，即使居屋亦有價有市。適逢樓市轉向，同區一手新盤低開招徠，令二手業主再有減價空間。

Carrie如想用有限Budget買單位，想空間闊落些，不如放眼區內居屋，較優質的要數離寶琳站不遠的茵怡花園，屬房協出品，無論外觀及保養均勝於傳統居屋，樓齡近20年，勝在單位選擇多，是區內上車樂園之一。

茵怡花園最大賣點，是標榜以環保設計，四周有頗多的戶外空間，一房戶空間感十足，實用面積約346至407方呎起，絕對不算蚊型戶，實用率算不俗。地方好用，四正格局不遜於同區私樓。

屋苑位處寶琳站附近，起居消閒無問題，步行已可到港鐵站及商場，不過因四周均為住宅，景觀難免要樓望樓，較為侷促。

世紀21將軍澳分行經理張蘇文表示，茵怡花園一向以用家市場主導，入場價最低的一房戶長期少盤，目前自由市場僅得1個放盤，為一個中層單位，目前叫價380萬元交吉放售，屬市價。