投資 U WIN：投資男x慳妹 「商」愛之道
內地天津大學於新學期推出《戀愛學理論與實踐》課堂，教授學生愛情的情緒智商（EQ）。有上堂的男學生形容，內容「太刺激」且獲益良多。至於香港大學生，拍拖未必需要EQ輔導，但財商（FQ）又高唔高？會唔會因食飯AA制、拍拖使費、旅行購物而破壞兩人感情，同時又降低個人FQ呢？
港大法律系Calvin與政治及法律系學生Jessica拍拖兩年，大家在上課時邂逅，發現成長背景相似，互生情愫下墮入愛河。
兩人的興趣和修讀學科相近，但原來理財觀念大不同，Calvin進取投資，Jessica節儉儲蓄，故兩人要在拍拖消費上取得平衡點，並學懂欣賞對方的FQ。
男攻藍籌 女月儲60%
Calvin稱，「入大學嘅時候，父親想我學理財投資，所以畀咗10萬元本金我投資股票，我將一半嘅錢買入藍籌股，好似滙控（00005）、恒生（00011）同埋騰訊（00700）作長線投資，另一部分就買窩輪、期權等衍生工具，短炒或用嚟對沖藍籌股，淨餘大約20至30%嘅錢係現金。」
去年至今，股市大上大落，他指投資成績尚算有交代，「雖滙控買入價大約係70元，但中間我有買滙控認沽證做對沖；其次，騰訊買入價為120元左右，之後我亦有買佢嘅認購證。」他又稱，父親曾「加碼」讓他投資，再加上個人儲蓄、投資回報、利息收入等，整個戶口現時滾存達50萬元資產。
Jessica跟Calvin一樣只有一個戶口，不同的是，她的戶口只作儲蓄用途。Jessica指，「父母定期畀零用錢我，大約3,000至6,000元不等，食嘢同買嘢嘅錢我額外再問佢哋攞。整體嚟講，我一個月約使2,000元，其餘會儲起。」
Jessica是典型慳妹，每月會把60%零用錢儲起，現時已儲了超過10萬元。「我覺得買股票好高深，又怕輸，感覺好似坐過山車，所以都係慳錢至上。」雖然她認為買股票風險高，但欣賞Calvin的投資FQ。
Jessica說，「佢好少透露投資情況，而心理平衡做得好好，朝早見佢因蝕緊錢而唔開心，但晏啲已經無事。佢炒股票贏咗錢會同我去慶祝，分享喜悅。」
拍拖消費取平衡點
其實，Calvin亦認同Jessica的理財方法，「股市升跌有時解釋唔到，好似最近我唔明點解大市升咁多。咁Jessica唔識投資而選擇純儲蓄，我覺得都係好嘅決定。」
兩人理財方法各異，偶爾會因消費模式而意見不合。Jessica指，「曾經一大班朋友去旅行，我想喺住宿方面慳啲，住平少少嘅酒店，但對方就想住得舒服啲，曾經因此嗌交。」
事實上，二人學習在拍拖消費上取得平衡點。Calvin稱，「平時食飯都係AA制，喺某啲慶祝活動、特別日子就由我請，有時會到高級餐廳食飯，不過拍拖支出唔會畀我太大壓力，始終Jessica唔係大花筒。」
專家建議：主動「講錢」增進感情
男女拍拖，少不免會因錢財而產生爭執，大學生年少氣盛，全情投入戀愛下，可能出現「使大咗」的問題。理財顧問建議，大學生可主動談及個人對金錢的看法，以及分享賺錢成果，從而做到「講錢增感情」。
宜達共識兼定目標
美國萬利理財亞太區總裁張佩儀稱，香港女生普遍接受AA制做法，內地女生則認為拍拖使費應由男生支付。故此，男、女朋友不妨坦白告知對方對金錢的看法，避免因錢而吵架。「拍拖消費上要有共識，加上大學生沒有收入，資金來自父母，所以更要坦誠，了解對方價值觀。」
她又認為，情侶一起訂立目標，可增進感情，「如大家一齊比賽，目標係每個人每月要賺500元，夾埋就有1,000元，再用1,000元一齊買嘢、食大餐等，可避免使大咗，同時又增進感情。」