絲絲講場：棋王常振明：AlphaGo勁啲

圍棋七段前國手

點解要問常振明？事關佢另一個身份就係圍棋高手！佢曾經係中國國家圍棋隊隊員，仲做過世界圍棋聯盟主席，圍棋段數更加高達七段！

圍棋七段有幾勁？圍棋級數先分三十級，最高係一級；之後再有九段，但掉番轉由初段開始計，最高係九段。而七至九段只有職業棋士先可以達到，可想而知常振明有幾勁！

常振明最擅長嘅圍棋戰術就係於中盤（即是中段）發力，佢自己都講過「最重要的是從中盤開始，到收官時（即是最後階段）各個局部的定型」，即係？

重視實戰執行力

「執行力是關鍵。想法再好，最終還是看結果。下圍棋時理論是好的，實戰中卻得不到有效的貫徹，這就是執行力不夠。」

擅圍棋者精於睇通全盤局勢，必有後着，加埋常振明本身咁重視執行力，唔怪得中信每次出事（○○年中信嘉華銀行危機、○八年中信泰富炒燶匯），次次都總係佢臨危受命！

余絲韻