絲絲講場：上司11個不能說的秘密

1.愈成功愈乞人憎

愈上位要顧愈多嘢，難免少咗Friend，返工唔係為咗呃Like，而係要幫公司發展。

2.全部都係玩政治

升職加薪、買嘢講價，都靠游說，「玩政治」就係精於游說及運用影響力。

3.怕樣衰都照做

雖則怕衰驚瘀，都堅持繼續做認為啱嘅事。

4.明知自己無Fun

所以唔會同人搶Fo，留空間畀對方發揮見解。

5.唔會嘥時間吹水

得閒周圍吹水、篤公司講同事壞話嘅，呢個阿頭堅極有限。

6.預咗時刻畀人目及住

無論心情幾唔靚，都唔會Show出

嚟，事關人人睇住佢做頭。

7.唔覺意露兩手

唔會時時攞彩，有功留畀下屬，有鑊自己孭起，咁反而露出阿頭嘅氣度。

8.好叻搞關係

精於溝通，令人留下印象。說話講出口前，會諗一諗；電郵Send出去前，會睇多次。

9.做凸兼有創意

打破框框，唔會日日做同一樣嘢，亦唔會只用同一個方法。

10.曉走位避黑洞

既知點「叉電」，亦曉避開吸走能量嘅人同事。

11.放工識生活抖氣

咁先會記得世界唔係圍住自己轉，工作上嘅困難亦唔係大過天。

余絲韻