絲絲講場：越南出口食胡要出「椒」

越南出口靠咩食胡？分分鐘係胡椒！越南其實係全球胡椒最大出產國，當地谷起出口分分鐘睇佢。

當地胡椒協會主席Do Ha Nam預計，今年當地胡椒產量會上升10%至14萬噸，而出口量會由舊年13.3萬噸增加至15萬噸，即是升13%！

胡椒產量同出口量都多咗，價自然跌，舊年賣緊每噸大概7.4萬港元，價格相信會稍為跌啲。不過越南唔驚喎，事關主席Do話其他對手印度、印尼同馬來西亞咁，因厄爾尼諾現象搞到胡椒減產，全球供應量少咗，所以個價點都有支持喎。

話時話，厄爾尼諾現象，越南無理由冇份o架……

余絲韻