絲絲講場：龍湖搶利是華為機贏晒

最近唔少內房企都搞春茗同記者見吓面，絲絲尋日就同龍湖地產（00960）品牌經理傾開今年公司年會有咩特別，佢就話有個IT大發現，就係華為嘅手機原來Run得快過蘋果公司嘅iPhone！

話說龍湖地產今年年會玩遊戲抽獎，全場員工鬥撳手機，邊個篤到去指定次數，例如一萬下，咁就算係贏，可以拎現金獎！結果發現，大部分得獎者都係用華為手機，即係話華為個計算機Run得快過iPhone咁話，真係估唔到喎！

不過，冇快過人嘅手機都唔緊要，因為龍湖喺年度銷售大會上都有大派利是，中獎率仲高達80%，咁咪差唔多人人有份？

余絲韻