絲絲講場：悠誠資管打入香港「木村」型男做CEO
嚟自日本嘅悠誠資產管理正式進駐香港，由於屬日本公司，所以開幕儀式都採用傳統日本「敲酒桶」形式進行，仲有一眾和服美女點綴，充滿東洋氣息。之不過，絲絲發現令人眼前一亮並非和服美女，而係CEO土肥悠樹（Yuki Doi）！今年33歲嘅土肥San官仔骨骨，又青靚白淨，在開幕儀式暗黃、迷濛燈光下，睇落真係同日本男神木村拓哉有幾分相似。
助投資和牛溫泉旅館
話說土肥San做過日興証券，之後自立門戶成立資產管理公司。而土肥San就話，二○二○年東京奧運可以為日本創造極大經濟效益，依家日圓弱勢，日本資產算平，屬投資者進入日本市場好時機。
另外，佢哋唔單止會為投資者物色日本物業，仲會提供一啲另類投資機會。好似係垃圾處理場、夜店、和牛養殖場同溫泉旅館咁啦！
余絲韻