金管局總裁陳德霖尋日畀人叫留低枝金剛棒？立法會講呢啲？！
就咁嘅，陳德霖尋日出席立法會財經事務委員會特別會議，一眾議員見近期金融市場大鱷想興波作浪沽空港元，適逢今年猴年，議員借題發揮，當陳總係齊天大聖，想知佢點收鱷妖。
金融服務界議員張華峰就問陳總有冇72變打大鱷，陳總答話唔知孫悟空有咩法寶，但佢自己無收埋法寶唔用，仲已經準備好，例如有自動調節防禦功能等等。財經事務委員會主席吳亮星就直頭話，叫陳德霖留低支金剛棒！為咩吳亮星對呢支金剛棒咁有興趣呢可……
陳德霖講完大鱷又解釋吓，話用全球對沖基金總資產去睇衝擊港元唔恰當，因為唔同基金都有投資類別同槓桿限制，加上沽空港元其實要問銀行借好多錢乜乜乜，總之香港人最緊要沉住道氣喎。
余絲韻