股民心淡唔敢撈底

李太說：「個市跌咁多都係平常心，有心理準備，手頭啲貨蝕咁多，放就唔會放，由佢擺喺到。依家港股夾喺A股同美股中間，唔會好得去邊，喊都無謂。」伍先生說：「預咗港股跌咁多，外圍插咁多，港股點會唔插，平常心面對啦！總之大市升600點就Put，跌800點就Call，無其他玩法。」

沽期指賺新年財
蘭姨表示：「依家我個心都淡晒，股市都唔係上上落落，係一直咁插，短線覺得恒指跌咁多應該無得跌，但我唔撈底啦。」Jimmy說：「呢排買乜跌乜，所以都唔係好敢入市，個人繼續持有長江基建（01038），睇好佢業績同技術走勢。」

Captain表示：「新年前見外圍經濟差，估假期後會紅盤低開，所以沽咗期指，好好彩賺咗少少！如果恒指守唔住18,500點，可能會再沽期指。」Edwin表示：「恒指近期一直偏軟，覺得仍未見底，所以唔玩正股，主力短炒指數期權，可惜尋日起身已經大跌，所以趕唔切入市。」