呢兩日出咗單大Deal，係中化集團傾掂出價430億美元，收購瑞士農業化學品生產商Syngenta，單收購計番港元大概值3,354億元。倘若落實咗，會係中國企業最大宗嘅「走出去」海外收購。咦，等等，乜原來單Deal關滙控事？滙控仲分分鐘有7.4億元落袋！
呢宗交易，聽講滙控原來係中化嘅Lead Adviser，唔單止有份畀意見中化，仲有份搞埋Bridge Loan（過渡貸款），有得賺番份。行內有人幫佢計數，若然順順利利，估計滙控今鋪最多可以袋成9,500萬美元（即是7.4億港元）！
滙控近排又話凍薪又話凍招聘，依家有呢單世紀大Deal暖番吓，唔「凍」得唔得呢可。
余絲韻