期指日市收報18,901點，成交維持在近期較高水平的15.9萬張，未平倉合約繼續過10萬張，淡友似乎未肯收兵。消息面同樣瓜多過菜，首先，美國周四凌晨公布議息結果，若然有乜意外，咁港股就真係無眼睇，而且當日又撞正港股期指結算，再計計農曆新年前只得個多星期，單睇牌面，大戶挾落點都易過挾上。
策略上，周一尾市在19,300點樓下小注買入二月合約，昨日只能夠在萬九點水平止蝕。近期大市風高浪急，唔好話睇單日升定跌，就算要估即市係高開低收還是低開高收難度都唔少，加上美股隨時再度穿位，都係少做少錯為上。
John Mullen