絲絲講場：ING荷蘭高層都嗌凍
唔好笑港人特別怕凍要停課，連ING銀行大中華區行政總裁及商業銀行業務主管何亞揚（Aart）都一樣會呻凍，不過佢喺呻上海。
首次駐滬零下8度
Aart來自荷蘭，理應抵得吓冷，不過駐上海第一個冬天就零下8度，兼且唔似得外國有暖氣，都幾難受。
Aart同絲絲講，話佢喺上海機場等飛機嚟香港做嘢，一如既往Delay，喺候機室凍完一輪，最慘係搭Shuttle Bus再行上樓梯登機，凍到震，震完一輪終於上到機，但都仲要等多成個鐘，對腳先解凍。經此一役，佢已計劃農曆新年一定要留喺室內，堅持唔出門。
余絲韻