絲絲講場：阿「星」阿「展」利是封離奇炒起
來來來，金融地產出嚟拜個早年。
先係星展銀行利是封對金童玉女，阿「星」同阿「展」大個可以出嚟搵錢喇！
金童玉女眨眼十周歲
小朋友個樣就話年年唔同，一年大過一年，點知「快高長大」呢四個字，同樣可用於利是封身上，絲絲唔係講利是封個Size喎，即係？話說星展利是封上面有對小朋友，囡囡叫阿「星」，囝囝叫阿「展」，佢哋○七年第一年喺利是封上出場時，仲係BB仔BB女，依家已經十歲，拎住金元寶同大家拜年。
阿「星」同阿「展」大個咗，今年仲有價有市。絲絲發現有人將佢哋今年個利是封放上網賣，十五蚊有八個包埋郵。放出去賣？唔捨得，話晒絲絲睇住佢哋大，唔經唔覺就10年。
農曆新年點可以冇揮春，絲絲已經收到「宇宙最強」綠揮春。
世宙揮春夠闊夠綠
話說長實地產（01113）旗下元朗新樓盤世宙特意準備自家製揮春，仲用個盤名大玩食字「一世利宙」，送畀春節期間入市嘅買家。
揮春設計一反傳統，係用綠色做主調，仲用埋樓盤名大玩食字，由「一世利宙」開始，到「一元復始」、「舉世無雙」、「大吉大利」、「宇宙最強」，全部齊晒。話時話，絲絲未見過咁闊嘅揮春，可以貼喺邊呢？
來來來，金融地產出嚟拜個早年。
先係星展銀行利是封對金童玉女，阿「星」同阿「展」大個可以出嚟搵錢喇！
金童玉女眨眼十周歲
小朋友個樣就話年年唔同，一年大過一年，點知「快高長大」呢四個字，同樣可用於利是封身上，絲絲唔係講利是封個Size喎，即係？話說星展利是封上面有對小朋友，囡囡叫阿「星」，囝囝叫阿「展」，佢哋○七年第一年喺利是封上出場時，仲係BB仔BB女，依家已經十歲，拎住金元寶同大家拜年。
阿「星」同阿「展」大個咗，今年仲有價有市。絲絲發現有人將佢哋今年個利是封放上網賣，十五蚊有八個包埋郵。放出去賣？唔捨得，話晒絲絲睇住佢哋大，唔經唔覺就10年。
農曆新年點可以冇揮春，絲絲已經收到「宇宙最強」綠揮春。
世宙揮春夠闊夠綠
話說長實地產（01113）旗下元朗新樓盤世宙特意準備自家製揮春，仲用個盤名大玩食字「一世利宙」，送畀春節期間入市嘅買家。
揮春設計一反傳統，係用綠色做主調，仲用埋樓盤名大玩食字，由「一世利宙」開始，到「一元復始」、「舉世無雙」、「大吉大利」、「宇宙最強」，全部齊晒。話時話，絲絲未見過咁闊嘅揮春，可以貼喺邊呢？
余絲韻