撤星第一上市地位
置富係唯一香港與新加坡雙邊上市嘅房託基金，佢哋舊年將星洲嘅第一上市地位，改為第二上市，而維持香港第一上市地位。咁慳咗好多新交所嘅上市年費？No喎。
絲絲同置富行政總裁趙宇傾過，咁改一改，上市年費其實差唔多，但就做少好多嘢。例如開股東大會，以前要一次香港、一次新加坡舉行，依家就可以全部喺香港舉行，當然新加坡股東仍然可以透過視像會議睇住甚至發問啦，不過管理層唔使搭咁多次飛機，慳好多時間。
業績一個版本搞掂
仲有，好多法律文件例如業績，唔再好似以往咁要分別預備兩個版本，一個香港版本搞掂晒。咁樣請少好多新加坡律師、會計師，聽講一年可以慳幾千萬，用嚟派息都好吖。
余絲韻