肖鋼年代 股民被削光
尚福林年代（○二年十二月至一一年十月），十年A股無點升過，果然係「上浮零」；郭樹清年代（一一年十月至一三年三月），A股跌到得番二千幾點，唔怪得係「哥輸清」；依家係肖鋼年代，一個熔斷，股民被削光，仲唔係「削光」。
參透唔到？所以話要學好普通話。咁強嘅測字功力，實情係內地股民嘅想像力。踏入一六年，A股一開市就大龍鳳，股民好難唔發揮吓，連贈興聯都有「十年一夢上浮零，一朝醒來哥輸清」，橫批係「熔斷削光」。
股民仲話，今年頭一個交易日，A股就跌7%，仲停埋市，為咗紀念呢日就叫做「頭七」。冇陰功。
余絲韻