絲絲講場：梁廣偉惡補學講道理

佢話，睇書真係要啱口味先去睇，仲不時與同事分享自己睇嘅書同心得，咁先可以互相刺激再繼續睇多啲書，學更多嘢！除咗叫埋同事睇書，佢都好鼓勵同事繼續讀書，公司會幫手就吓同事嘅時間。

以三個銜頭為榮

Humphrey話，同事平均擁有一點六個學位，佢自己依家都仲有去讀公開大學夜間課程，公司就會逢星期三派司機送佢返學，呢啲就係公司嘅彈性安排。佢早幾年花咗三年時間去讀博士，佢話佢人生有三個名銜係好自豪嘅，當中並唔包括「晶門科技主席」，佢話「我唔做就會冇咗」，咦，咁係咪即係就離職嘅打算？

唔係，而係嗰三個名銜係一世都唔會被禠奪嘅，係乜咁犀利？第一個title就係工程師，即係佢本人嘅專業；二係博士，係佢辛苦讀番嚟，而第三個就係太平紳士，佢話係得到社會嘅認同先會有嘅身份。

佢話，以前仲有一個title係「青年工業家」，因為自己歲數已經超過四十五歲，以依家成就都唔可以再有嘅身份，但係自己曾經擁有過已經好好。

余絲韻