李小加張華峰今「對決」

今日港交所、深交所、證券學會和南華主席邀請隊，將會舉行足球友誼賽。小加總裁一向係波牛，今日自然會親身上陣，代表港交所應戰。至於張華峰，佢係證券學會永遠名譽會長，自然會捧自己友場，絲絲聽聞，「肥老闆」仲事先張揚話自己會落場守龍門添喎！嘩，佢身形有番咁上下，小加總裁要入波，真係要考考小加球技了！

四隊今日會共打三場，才能決勝負。第一場係證券學會對南華主席邀請隊，第二場係港交所對深交所，第三場係港交所、深交所對證券學會、南華主席邀請隊，即係話，小加總裁同肥老闆真係有機會喺球場切磋切磋，真係未開波已精彩！不過，都係嗰句，友誼第一，比賽第二。