絲絲講場：20幾歲咪犯呢15樣錯

1. 自覺教育程度夠晒

唔該記住，現今社會唔保證有學位就搵到份好工，你需要不斷努力、進修，以迎接「三十而立」。

2. 恃住後生忽略健康

好多人以為年輕大把Quota，一畢業就要勁煙勁酒。唔該記住，人嘅活力到咗25歲後，就會倒退。

3. 花錢唔儲錢周身債

好多人20幾歲時就諗住趁年輕唔儲錢，忽略埋複息可以有幾大威力；又或者唔小心孭到一身債。

4. 誤以為錢等如快樂

現今社會咩都講錢，好容易覺得錢係萬能，忽略咗對事物嘅熱愛先係最重要。

5. 一唔如意即刻放棄

20幾歲時仍處於學習階段，好多人只要稍唔如意就很容易想放棄。「失敗乃成功之母」，唔好怕輸。

6. 畀其他人定義自己

無論大學選科，甚至出嚟打工，都係「人哋」幫你選擇。請謹記，有時要忠於自己信念。

7. 冇耐性做人太心急

如果你20幾歲，請謹記唔好因為結婚而買樓，呢啲心急情緒反而會有反效果，請專注「現在」。

8. 嘗試討每個人歡心

人類係複雜動物，冇可能個個同你Friend。因為得唔到人歡心而自己屈住，不如開心過每一日。

9. 期望友誼直到永遠

你讀高中或大學，仲經常掛住啲小學同學？人大咗會變，任何情誼都會有日隨風消逝，好正常。

10. 自以為是目空一切

20多歲嘅你，請記住「人家食鹽多過你食米。」有時候好容易會覺得前輩Out晒，自己先係最得嗰個。當你目空一切時，要記住「滿招損，謙受益」。

11. 活在泡沫太理想化

唔係講經濟或資產泡沫！20幾歲嘅你需要客觀地看世界，唔好抗拒新事物，要對事物要保持好奇。

12. 困死喺「非黑即白」

記住，世界唔係非黑即白，照顧自己利益同對世界好，係可以並存。

13. 期望搵到情人知己

請謹記，喺現實生活上，任何有意義兼長久嘅關係，都要努力經營同付出，冇話不勞而獲。

14. 諗得太遠目標多多

目標同夢想係要有，但要一步一步來，專注眼前目標；唔好同時間搞太多嘢，好易「兩頭唔到岸」。

15. 去第二度逃避問題

人生就係一趟不斷遇到同解決問題嘅旅程，唔好以為離開香港換個地方，問題就可以解決。

余絲韻