絲絲講場：伯老寸人幣入籃小兒科
終於等到人民幣入咗籃（被納入國際貨幣基金組織特別提款權（SDR）籃子貨幣）！不過，美聯儲前主席伯南克喺佢自己個Blog度話，人仔入籃只不過好似小學雞嗰陣，老師見你「Good Job」，就喺功課簿上獎粒星星畀過你咁。即係點？
佢話人仔入籃其實冇為中國帶來咩特權。佢話，中國幾咁渴望被認可做全球經濟大國，所以咁在意呢啲象徵意義。
不過查實人仔入籃一啲都唔易，人行都真係做咗好多「功課」，好似放寬存息上限，又調整人仔中間價咁，嚇到市場個心離一離。搞咗咁耐，國際貨幣基金組織呢位老師先滿意，所以呢粒星得來不易o架！
余絲韻